Эсэгэ ороной геройнуудай үдэрые дашарамдуулһан олониитын суглаан болон баярай концерт наадан Н.А. Бестужевай нэрэмжэтэ Ород драмын театрта үнгэрбэ.
Буряад Уласай Арадай Хуралай Түрүүлэгшэ Владимир Павлов Буряад Уласай Толгойлогшо Алексей Цыденовтой суг хамта сэрэгшэдые болон тэдэнэй гэр бүлэнэрые амаршалба.
- Мүнөөдэр, дурасхаалта энэ үдэр, бидэ манай солото сэрэгшэдтэ, манай гүрэнэй эрхэ сүлөө болон бэеэ даанги байдалай түлөө баатаршалга гаргаһан манай бүхы эрхэтэдтэ хүндэлэлгын тэмдэгээ мэдүүлнэбди. Мүнөөдэр сэрэгэй тусгаар үйлэнүүдтэ эрэлхэг ябадал, шэн зориг болон баатаршалга гаргажа байһан Буряадаймнай солото болон эрэлхэг хүбүүдээрээ омогорхонобди, - гэжэ Владимир Павлов хэлэбэ.
Тэрэнэй тэмдэглэһээр, манай гүрэнэй эрхэтэдэй солото болон баатарлиг ажаябуулганууд нэгэдэлэй, эбтэй байдалай болон эхэ орондоо үнэншэ байлгын жэшээ боложо хододоо үгэдэг.
- Хүндэтэ ветеранууд, сэрэгшэд болон геройнуудта Эхэ орондоо үнэн сэхэ байлганай, эрэлхэг ябадал, шэн зориг болон баатаршалгын түлөө баярые хүргэнэб. Энхэ элүүрые, амгалан байдал болон толгой дээрээ эб нэгэдэлэй сэнхир огторгой хүсэнэб бүгэдэндэ, - гэжэ Арадай Хуралай Түрүүлэгшэ Владимир Павлов онсолбо.
Олониитын суглаан дээрэ Эсэгэ ороноо хамгаалагшые хүмүүжэлэлгын түлөө уласай сэрэгшэдэй абанарта «Сэрэгшын эсэгэ» гэһэн ниитэ тэмдэглэлэй дурасхаалай медальнууд барюулагдаба. Мүн лэ баяр ёһололой үедэ «Сэрэгэй тусгаар үйлэнүүүдтэ хабаадаһанай түлөө. Баяр мэдүүлһэн Буряад орон» гэһэн дурасхаалай медаль сэрэгшэдта олгуулба.
Ёһололто оршон хубиин удаа хэмжээ ябуулгада хабаадагшадта Буряадай артистнар болон зохёохы бүлгэмүүдэй хабаадалгатай концерт дэлгэгдэбэ.
