Ивалга нютагта «Онлайн ороноб» гэhэн хуралдаанай «Ахатанай уе» гэжэ талмайда олон наhатайшуул сугларба.
Энэ ехэ ажал ударидагша, Буряад Улас Арадай Хуралай талаhаа хуралдаанда хабаадаhан Татьяна Мантатова энэ хэгдэжэ эхилhэн ажалай удха тухай иигэжэ хэлэбэ:
- Энэ байдалдамнай тоогой зэмсэг урагшатай бушуун орожо байна. Залуу оюутан иимэ тоогой талаар айхабтар бэрхэ юм. Ахатанда, наhатай зондо олониитын утаhанда, шэнэ тоогой зэмсэгтэ hураха эрдэм, шадабари багадана, тиимэhээ ахатандаа зааха, тэдэнэрэй hургаха болонобди. Энээнhээ гадуур, заахадаа, олониитын утаhан соо мэхэлдэг зонhоо яагаад бэеэ зайсаахаб гэжэ ойлгуулха болонобди. Ивалга нютагта иимэ ябадалай ажалда урагшаа hанаатай зон урматайгаар суглараад байна.
«Онлайн ороноб» гэhэн хуралдаанда тоогой зэмсэгтэй танилсахаа hанаhан 40 зон Ивалга нютагhаа ерээ.
Хуралдаан хэдэн янзын хубяар илгараад, сугларагшадта яагаад иимэ шэнэ олониитын тоогой зэмсэг хэрэглэжэ хэрэгээ хэхэб, олониитын утаhан соо орохоб, гэжэ зааhанhаа гадуур залуушуулай хэлэнтэй танилсуулба.
Ивалга нютагта олон жэл ажал хэhэн зониие ударидагша Валентина Астраханцева иигэжэ хэлэбэ:
- Бидэ зониие мэхэлдэг, элдэб засагай талаhаа ханданабди гэhэн мэхэшэдтэй тоогой олониитын зэмсэг соо дайралдадаг байнабди. Тиигээд, наhатайшуулые яагаад тэрэ мэтэ зонhоо олониитын утаhан соо бэеэ зайсаалхаб гэжэ заахада ехэ таарама, зохид байна.
Энэ Ивалга нютагта болоhон хуралдаан наhанай амаралтада гараhан зон шэнэ юумэндэ дуратай, hонирхохо байна гэжэ ябталба.
Иимэ хуралдаан апрель соо Сэлэнгэ нютагта болоhон байна, Ивалгада удаадахи хуралдаан болобо, гурбадахи «Онлайн ороноб» хуралдаан – Загарай нютаг угтаха.
