Мүнөөдэр Арадай Хуралай байшан соо сэрэгэй тусгаар үйлэнүүдтэ хабаадажа байһан уласай сэрэгэй алба хэгшэдтэ нигүүлэсхы туһаламжа дамжуулба.
Можын парламентын аппарадай ажалшад өөһэдынгөө мүнгэн зөөреэр бүтээжэ ,Сво руу 2x3 хэмжүүртэй халхалгын 30 гүльмэ дамжуулба.
Баир Гармаев, Буряад Уласай Арадай Хуралай түрүүлэгшын орлогшо:
- Халхалгын гүльмэнүүдые манай ажалшад үдын хоол бариха забһартаа бүтээнэ. Эндээ бидэ 200 гаран гүльмэнүүдые гүрэжэ, сэрэгэй газар руу эльгээгээбди. Арадай Хуралай һунгамалнууд манай сэрэгшэдтэ хэрэгтэй техникэ, тоногуудые болон бусад олон хэрэгсэлнүүдые үргэлжэ эльгээжэ байдаг. Арадай Хуралда ажалладаг эхэнэрнүүд болон һунгамалнууд сэрэгшэдые болон түхеэрэлгэнүүдые хамгаалхын тулада ехэ туһа олгуулдаг. Бэеэ гамнагты, гэртээ бусагты. Бидэ илахабди!
Игорь Марковец, Буряадай Арадай Хуралай ниигэмэй бодолгын хорооной түрүүлэгшэ:
- Бидэ нэмэлтэ мүнгэн зөөри ходол суглуулжа, «Сила Добра» гэһэн жаса руу дамжуулжал байдагбди. Бүхы һунгамалнууд, Арадай Хуралда ажаллагшад мэдүүлгэ бэшэнхэй, тэрээгээр манай һарын салинһаа хубинь тоологдон, СВО-гой манай уласай хабаадагшадые дэмжэлтэдэ һара бүри эльгээгдэдэг. Манай нютаг зон манай Эхэ орон тэдээнтэй гэжэ мэдэржэ байха ёһотой, бидэ тэдэниие сэгнэнэбди, хүндэлнэбди!
Татьяна Мантатова, Буряадай Арадай Хуралай түрүүлэгшын орлогшо:
- Илалтын үдэрэй түргэн хүрэжэ ерэхын түлөө бидэ манһаа дулдыдаһан юумэ бултыень хэхэбди. Хүбүүд, бэеэ гамнагты!
«Ураган» гэһэн дуудалгатай Буряад ороной сэрэгшэн, 5-дахи танкова бригада:
- Халхалгын гүльмэнүүд- тон шухала юм, бидэ тэрээгээр бронетехникэ, колесно техникэ болон хубиин бүридэлэй байрлаһан газарнуудые далдалан хушадагбди. Гүльмэ – гарша ехэтэй зүйл гээшэ, ходол таһаржа, хаанаб даа шатажал байдаг. Тэдэ манда хододоо хэрэгтэй. Зундаа – ногоон, үбэлдөө- сагаан үнгэтэй байха ёһотой. СВО-гой эхилһээр бидэ нигүүлэсхы олон туһаламжа абаабди. Тиимэһээ, найдамтай ара талые мэдэрнэбди. Бидэн тухай һанажа, туһалжа байһандатнай, баярые хүргэнэбди. Энэтнэй юунһээшье сэнтэй!
