Мүнөөдэр Сэрэгэй тусгаар үйлэнүүдэй сэрэгшэдтэ болон тэдэнэй бүлэнэртэ гүрэнэй шагналнууд болон медальнууд барюулагдаа. Баяр ёһололдо баатарай үхэлөөр унаһан Россиин хоёр Геройнуудые болон дайшалхы ябадалаар шалгарһан бусад арба гаран сэрэгшэдые тэмдэглэбэ.
Мүнөөдэрэй байдалаар Буряад ороной 19 сэрэгшэд Орос гүрэнэй Геройн нэрэдэ хүртэнхэй. Бага зэргын сержант Владимир Белокопытов дайсанай таһалдаагүй буугай һомон доогуур Угледар руу добтолон, түрүүн орожо, нэгэ байшан дээрэ Орос гүрэнэй һүлдэ туг тодхоогоо. Энэ тэрэнэй түрүүшын добтолго байгаа, тэрэнэй баатаршалгын ашаар манай сэрэгшэд хотые дайсадһаа хобхолон сүлөөлөө бэлэй. Владимир Донецкын Арадай Уласай эмнэлгын газарта ами наһантаяа хахасаа. Тэрэ зүрхэнэй үбшэнһөө наһа бараа, хоёр долоон хоног үнгэрһэн хойно тэрэнэй бүлэ Юрэнхылэгшэ Владимир Путин Россиин Геройн үндэр нэрэ зэргэдэ хүртөөгөө гэжэ дуулаа бэлэй.
Эрэлхэг ябадалай үшөө нэгэ жэшээ – Жаргал Дашиев. Десантнигуудай взводой командир артиллериин ехэ буулдаанда дайралдан, ехээр шархатабашье, тэрэ сухаряагүй. Табан часай хугасаада шархатаһан лейтенант дайсанай контр добтолгонуудые нэгэ нэгээр сохилсожол байгаа. Энэ байлдаанһаа гаража шадахагүйб гэжэ Жаргал мэдэрээд, командирай уялга ондоо хүндэ дамжуулаад, өөрынгөө взводые ами наһанайнгаа һүүлшын һудаһанай сохилтор бэерээ хамгаалжал байгаа. Тэһэрһэн буудалгануудай олон тоото шархаһаа тэрэ баатарай үхэлөөр унаа. Эрэлхэг зоригой болон баатаршалгын түлөө Жаргал Дашиевта Россиин Геройн нэрэ зэргэдэ хүртөө бшуу.
Алтан мүшэнүүдые баатарай үхэлөөр унаһан сэргэшэдэй бүлэнэртэ дамжуулагдаа. Тэдэнэй дурасхаалда абяагүйн минутаар ёһолбо.
- Мүнөөдэр бидэ Эхэ ороноо хамгаалжа, сэрэгэй үйлэнүүдые һүр һүлдэтэйгөөр бэелүүлжэ, ами наһантаяа хахасаһан эрэлхэг нютаг хүбүүдэй дурасхаалай хүндэлэлдэ һүгэдэнэбди. Тэдэнэр һүүлшынгөө амин хүрэтэр сэрэгэй тангариг болон уялгадаа үнэн сэхэ байгаа. Бидэ мүнөө Эсэгэ ороноо ёһотойл хамгаалагшадые хүмүүжүүлһэн гэртэхиндэнь гүнзэгы баярай бахарлал мэдүүлнэбди.Иимэл бэхи найдамтай хүбүүдэй ашатай шэн зоригоор илалта заатагүй туйлагдахал ёһотой. Эрэлхэг Баатарнуудта Алдар Соло,– гэжэ Буряад Уласай Арадай Хуралай Түрүүлэгшэ Владимир Павлов тэмдэглээ.
Сэрэгэй тусгаар үйлэдэ хабаадагша сэргэгшэдые ёһололой үедэ мүн бусад шагналнууд - Георгиевска хэрээһэнүүд, «СВО-до хабаадаһанай түлөө», «Эрэлхэг ябадалай түлөө», Суворовай гээд медальнууд барюулагдаа. Тэдэ шангууд Эхэ ороноо хамгаалжа байһан сэрэгшэдтэ олгуулагдаа.
Россиин Геройн бүлэнэрэй зүгһөө Жаргал Дашиевай наһанайн нүхэр – Дина Сергеевна Дашиева үгэ хэлэбэ.
- Энэ үндэр шагнал хадаа минии нүхэр ямар эрэлхэг, зоригтой, шадалтай хүн байгааб, гэжэ гэршэлнэ. Тэрэ десантник байгаа, һүүлшынгөө амин хүрэтэр Эхэ ороноо хамгаалаа. Бидэ хододоо hанажа, омогорхожо байхабди. Ори ганса хүбүүгөө эсэгэдэнь адлиханаар хүмүүжүүлхые оролдохоб, - гэжэ Геройн һамган тэмдэглээ.
