Сентябриин 17-до Оросой Холбоото Уласай Гүрэнэй Дүүмэдэ VIII-дахи зарлалгын долоодохи сесси эхилээ. Түрүүшын бүгэдын оролсотой зүблөөн дээрэ Гүрэнэй Дүүмын Түрүүлэгшэ Владимир Володин элидхээ, удаань фракциин хүтэлбэрилэгшэд.
Бүгэдын оролсотой зүблөөндэ конференц-буулгабариин холбооной журамаар Буряад Уласай Арадай Хуралай Түрүүлэгшэ Владимир Павлов хабаадаба.
Гүрэнэй Дүүмын Түрүүлэгшэ Вячеслав Володин элидхэлэйнгээ эхиндэ Юрэнхылэгшэ Владимир Путинай зүгһөө һунгагшадай болон гүрэнэй үмэнэдэ ашаг үрэтэйгөөр ажаллахыень һунгамалнуудта һайхан үреэлнүүдые дамжуулаа.
Тэрэнэй хэлэһээр, Гүрэнэй Дүүмын дансада 1113 хуулиин түсэлнүүд бэлдэгдэнхэй, тэдэнэй 236-иинь нэгэдэхи уншалгаар баталагдаа, хоёрынь – хоёрдохи уншалгаар.
Мүн тэрэ үнгэргэгдэхэ сессидэ һунгамалнуудай ажалай долоон гол шэглэлнүүдые тодоруулаа.
Энэ хадаа Холбоото Уласай Суглаанда Оросой Холбоото Уласай Юрэнхылэгшын Хандалга бэелүүлгэ, Сэрэгэй тусгаар үйлэнүүдтэ хабаадагшадые болон тэдэнэй гэр бүлые дэмжэлгэ, 2025-2027 онуудай бюджет бэлдэлгэ болон баталалга, гэр байрын-хангамжын ажахы һайжаруулгада можонуудые болон нютагай засагай байгууламжануудые дэмжэлтэ, гүрэнэй программануудые бэелүүлгэ парламентын шалгалтын ашаг үрэ дээшэлүүлгэ, гэр бүлын болон балшар бага наһанай заншалта уг баялигуудые, соёл, ёһо журам хамгаалга болон нютаг урилалгын бодолго һайжуруулга болоно.
