Буряад Уласай Арадай Хуралай Түрүүлэгшэ Владимир Павлов Белорусь Уласта ажалай ябуулгада хабаадалсана.
Хоёр талын суг ажаябуулга хүгжөөлгэ болон анхан байгуулагдаһан шэглэлнүүдээр хоёр талын ашаг үрэтэй харилсаанай бэхижэлгэдэ хамһалсаха бэлэн байлга. Эдэ асуудалнууд Беларусь Уласай болон Оросой Холбоото Уласай Буряад Уласай суг хамта ажаябуулгаар Ажалта бүлэгэй гурбадахи зүблөөн дээрэ зүбшэгдөө.
Зүблөөн Минск хотодо Беларусь Уласай эрдэмэй болон арга зүйн талаар Гүрэнэй хорооной Түрүүлэгшэ Сергей Шлычковай болон Буряад Уласай Толгойлогшо Алексей Цыденовай хүтэлбэри доро үнгэрөө.
Буряад Уласай Толгойлогшо Алексей Цыденов шэнэ уулзалга бүхэндэ Беларусситай суг ажаябуулгын шэглэлнүүд ехэ болоно, гэжэ тэмдэглээ. Энэ бологшо уулзалгын шугамаар үйлэдбэриин болон аяншалгын, тэрэ тоодо эмнэлгын түрүү шэглэлнүүд хэлсэгдээ. Алексей Цыденовай тэмдэглэһээр, һүүлэй табан жэлэй туршада Буряад орон болон Белорусси хоёрой хоорондохи эд бараанай эрьесэ 6 дахин дээшэлээ.
- Можын хэмжээндэ бидэ үнинэй харилсадагбди, Брестскын болон Гомельскын можын гүйсэдхэхы хороонуудтай гээд можын хоорондын хоёр хэлсээнүүд мүнөө ажаллана. Эрдэмэй болон арга зүйн Гүрэнэй хорооной эбигээл доро суг харилсаанай бүхы тааралдал бэелүүлдэгбди. Манда белоруссиин тракторнууд, БЕЛАЗууд ажалладаг. Буряадай дэбисхэр дээрэ МТЗ-эй дилер бии, тэрэ зүйлнүүдые бэеүүлгэ болон саашанхи харгалза бэелүүлгэ хангадаг. Буряадта нүүрһэн ехэ хэмжээндэ нөөсэлэгдэдэг, тэндэ Белаз гэһэн карьернэ самосвалнуудһаа дээрэ юумэн үгы. Наймаануудта белоруссиин тоһо, бислаг наймаалагдадаг, хэды холошье һаань, танай эдеэнэй зүлнүүд манда хүрэжэ ерээд лэ, олон зон хэрэглэгдэдэг. Манай хүнгэн үйлэдбэриин ажахынууд суг харилсадаг. Манай авиационно завод авиа заһабарилгын ажахынуудтай суг харилсадаг, тэрэ тоодо хэрэгсэлнүүдые асаралгаар, манда ехэ нягта кооперациин харилсаатайбди. Суг харилсаха газарнууд олон, энэ ганса үйлэдбэриин шэглэлдэ бэшэ, мүн элүүрые хамгаалгын һалбарида. Белорусси энэ талаар һайн дүршэлтэй, эндэ юу харахаяа, ямар юумэндэ һураха аргатайбиибди, гэжэ һайн мэдэнэбди, - гэжэ Алексей Цыденов онсолбо.
Оросой болон Белоруссиин харилсаан һайн хүршын заншалтай гэжэ тодоруулагданхай, олон түсэбэй шэглэлтэй болон манай соёлнуудай болон арадуудай суг харилсаанай олон жэлнүүдэй түүхэ үндэһэлдэг, гэжэ Арадай Хуралай Түрүүлэгшэ Владимир Павлов тэмдэглээ.
«Буряад Уласай Парламент эб найрамдалай, заншалта гүн сэдьхэлэй- оюун ухаанай болон соёлой уг баялигаар нэгэдүүлэгдэһэн Буряад Уласай болон Беларусь Уласай арадуудай хоорондын бүхы харилсаа хүгжөөлгэдэ ехэ анхарал табидаг. Арадай Хуралаар баталагдаһан мүнгэн һангай тогтууритай байгуулалта Буряад Улас дотор хүрэнгэжүүлгын һайшаагдама байдал байгуулдаг. Мүнөөдэрэй уулзалгын шугамаар байгуулагдаһан харилсаан удаан болзортой, ашаг үрэтэй байха, гэжэ этигэнэб. Буряад Уласай Арадай Хуралай Һунгамалнууд Беларусь Уластай суг ажаябуулгын хүгжэлтэ барандаа дэмжэнэ», - гэжэ Владимир Павлов мэдээсэбэ.
Уласай парламентын Хүтэлбэрилэгшэ Уласай Толгойлогшо Алексей Цыденовтай болон элшэ түлөөлэгшэдтэй ОАО «АМКАДОР» гэһэн эмхиин ажалтай танилсаба.
Минск хотын Илалтын Хүшөөдэ гүрлөө болон баглаа сэсэгүүдые табиһанай удаа буряадай түлөөлэгшэд «Несвиж» гэһэн Үндэһэтэдэй түүхэтэ-соёлой музей-дархан газар үзэбэд.
Уулзалгада хабаадагша хоёр таланууд ородой-белоруссиин аяншалгын, элүүрые хамгаалгын, хүнгэн үйлэдбэриин болон авиабарилгын һалбаринуудаар суг харилсаанай хүгжэлтын асуудалнуудые зүбшэбэ. Түлөөлэгшэ бүлэгэй бүридхэлдэ Буряад Уласай эмхин ажахынууд хабаадаа.
