Арадай Хуралай һунгамалнууд Түрүүлэгшэ Владимир Павлов түрүүтэй сэрэгэй тусгаар үйлэдэ хабаадагшадые дэмжэдэг эжынэртэ болон һайн дуранай үүсхэлэгшэдтэ зорюулагдаһан «Һайн дуранай хүсэн 03» гэһэн буян үйлэдэлгын нааданда хабаадаба.
Арадай Хуралай Түрүүлэгшэ Владимир Павлов һунгамалнуудай зүгһөө эжынэрые амаршалаа.Тэдэнэй бэеэ гамнангүйгөөр, энэрхы хандасаарынь Буряадаймнай сэрэгшэдтэ найдамтай бүхэ, ара тала хангагдана бшуу. Туһаламжын нааданда «Һайн дуранай хүсэн 03» гэһэн һайн дуранай эдэбхитэдэй түбэй хүтэлбэрилэгшэ Оюна Дымшеевада “Чаша Единства и Добра” гэһэн тэмдэгэй буулгабари барюулба.Арадай Хуралай һунгамалнуудһаа баярай бэшэг болон парламентаринуудай хубиин зөөриһөө суглуулагдаһан мүнгэнэй «нугаршагүй конверт» барюулагдаа.
- Бэеэ дааһан үмсын хэрэг эрхилдэггүй «Һайн дуранай хүсэн 03» гэһэн һайн дуранай эдэбхитэдэй түбтэ онсо баярые хүргэнэб, энэ түбтэ үдэр бүри ямаршье түлбэригүйгөөр 200 гаран волонтернууд ходо ажаллана: эдэ наһанайнгаа амаралтада гарагшад, Улаан-Үдэ хотын эмхинүүдэй ажалшад, оюутад болон хотын нигүүлэсхы сэдьхэлтэй хүн зон болоно. 2022 оной октябрь һараһаа «Һайн дуранай хүсэн 03» гэһэн һайн дуранай эдэбхитэдэй түбэйхид 450 бронежиледүүдые, 1 800 техническэ бүһэнүүдые, 7 000 хаалтатай гульбануудые, хэдэн янзын 5 000 тактическа сумэнүүд, 1 200 тактических тэлүүрнүүд, 700 шэрэдэг ашаа шэрэдэг аргамжануудые болон олон олон ондоо хэрэгтэй юумэнүүд – мүнөөдэрэй байдалаар сэрэгэй зэр зэбсэгэй 38 нэрэмжэнүүд бэлдэгдэн бүтээгдээ. Һайн үүсэхэлэй түб хүн зонһоо болон эмхинүүдһээ нигүүлэсхы туһаламжа суглуулаад, һайн дуранай эдэбхитэдэй бусад бүлэгүүдтэй суг сэрэгэй частьнууд руу эльгээдэг, үгы гэбэл, тон хэрэгтэй юумэнүүдые сэрэгшэдтэ үгэдэг, - гэжэ Владимир Павлов хөөрэбэ.
Буряадай эстрадын мэдээжэ артистнарай хабаадаһан Буян үйлэдэлгын концерт нааданһаа сугларһан зөөри Сэрэгэй тусгаар үйлэнүүдтэ хабаадагша сэрэгшэдтэ туһа болгон эльгээгдэхэ.
