Буряад Уласай Хойто-Байгалай аймагта ноябриин 28-29-эй үдэрнүүдтэ Арадай Хуралай эдэй засагай бодолгын, байгаали ашаглалгын болон байгаали хамгаалгын Хорооной нүүдэл зүблөөн Иннокентий Вахрамеевай ударидалга доро үнгэрбэ. Хэмжээндэ Арадай Хуралай һунгамалнууд: Бадмадоржо Жигжитов, Сергей Козлов, Александр Парщиков, Андрей Невьянцев, Анатолий Дымчиков, Саян Бальжиров, Михаил Итыгилов, Борис Семенов болон Зүүн Сибириин түмэр замай харгын хүтэлбэри, яаманай болон албангуудай түлөөлэгшэд, «Хойто-Байгалай аймаг» гэһэн нютагай засагай байгууламжын захиргаан гээд хабаадаа.
Хабаадагшад аймагай һуурингуудай хүгжэлтэ, байгаали хамгаалгын гуримуудые сахилгын болон Байгал-Амурай замай газарнуудай барилгада үнгэргэхэ хүсэлдүүлгын хэмжээнүүдые эмхидхэлэй асуудалнуудые зүбшэбэ.
«Зүүн Сибириин түмэр харгын Үдэртэ» дашарамдуулагдаһан пленарна зүблөөн дээрэ Зүүн Сибириин түмэр замай даргын засагай зургаантай суг ажаябуулгаар орлогшо Александр Парщиков түмэр замай унаагай ажал хадаа нэн түрүүн ажаһуугшадые болон ажахынуудые хүн зониие болон ашаа тээбэри шэрэлгээр һайн шанартай хамһабаринуудаар хангалгада шэглүүлэгдэнхэй гэжэ мэдүүлбэ.
«Энээнэй түлөө бидэ табилганай болон буйлуулгын арга боломжо хүгжэлтын бүридэмэл ажал ябуулнабди. 2024 ондо БАМ-ай дэбисхэр дээрэ оршон байгуулалтын 33 зүйлнүүдые шэнэдхээбди. Зүүн полигоной хүгжэлтөөр хүрэнгэжүүлгын түсэлнүүдые бэелүүлгэдэ байгаалиин онсо дэбисхэр дээрэхи нуурай байгаали хамгаалгын жэнхэни байгуулалта аршалан сахихын тула бүхы шухала ажал ябуулагдаха гэжэ холдинг бодомжолно,- гээд, Александр Парщиков тэмдэглэбэ.
Парламентаринуудта Нижнеангарск – Северобайкальск хоорондын хоёрдохи замай барилгада хэрэглэгдэһэн байгаали хамгаалгын хэмжээнүүдэй шэнэ онол арганууд харуулагдаа. Энэ түхеэрэлгын ашаар һайрамай үерэй болон урадхуулдаг уһануудай хүрьһэ руу болон саашаа Байгал далайн экобайгуулалта руу оруулагдаггүй юм.
Түмэр замайхид һэльбэн шэнэлэлгэдэ хэрэглэдэг оньһото хэмжээнүүдэй бүридэл тухай хөөрэжэ үгэбэ.
Гэхэ зуура, Арадай Хуралай һунгамалнууд ажаһуудалай хатуу үлэгдэлнүүдые гаргалгын, «Хойто-Байгалай аймагай» дэбисхэр дээрэ томо баклан шубуунай тоо олошорһон тухай асуудалнуудые зүбшэлсэбэ. Эндэ мүн байгаали хамгаалгын түб газарта ажаһуугшадые хатуу түлишээр хангалга, харгы болон бусад газарнуудые бариха аргагүй анхан ашаглалгын ажалаар ашагта малтамалнуудые бэдэрэлгэ болон ашаглалгын асуудалнууд табигдаа.
Ноябриин 29-дэ Арадай Хуралайхид Зүүн-Сибириин түмэр замай Хойто-байгалай можын абитуриентнуудай хоёрдохи слёдто хабаадалсаа.
Удаань һунгамалнууд һуралсалай таһагуудые, рейсын урдахи заабариин таһаг болон ФПК-гай вагонно хэһэгэй ажаһуудалай байрануудые шэнжэлэн үзэбэ. Сугларагшадые ажал болон амаралта эмхидхэлэй үндэр хэмжээ болон энэ һалбариин ажалшадай ехэ салин гайхуулба. Вагонно таһагай дарга Владимир Алеханов ажалшадай дуталдаһан тухай хөөрэжэ үгөө, мүнөөдэрэй байдалаар ажахыда олон ажалша мэргэжэлээр хүнүүд дуталдана.
Ажалай нүүдэл зүблөөнэй дүнгөөр эндэ хэлэгдэһэн бүхы бэрхэшээлнүүдтэй асуудалнуудые Арадай Хуралай эдэй засагай бодолгын, байгаали ашаглалгын болон байгаали хамгаалгын Хороон анхаран, шалгалта дороо абаба.
