Арадай Хуралай ээлжээтэ сессиин үедэ Буряад Уласай хүн зониие ниигэмэй талаар хамгаалгын сайд Татьяна Быкова Буряд Уласта бэлдэгдэжэ байһан хуулиин түсэб тухай мэдээсээ, тэрэнэй ёһоор сэрэгэй тусгаар үйлэнүүдтэ хабаадагша сэрэгшэд унаагай налог түлэбэриһээ сүлөөлэгдэхэ.
Сайдай тодорхойлһоор, иимэ дүршэл олон газар можонуудта бэелүүлэгдэдэг. Мүнөөдэрэй байдалаар, 10 можонуудта СВО-гой ветеранууд унаагай татабариин түлбэриһөө сүлөөлэгдэнхэй ( 100 мориной хүсэтэй двигательтэй хүнгэн унаагай талаар), мүн 32 можонуудта – 150 мориной хүсэтэй, гэхэ зуура һүүлэй гурбан жэлэй туршада Оросой Холбоото Уласай үшөө 6 можонуудта тус хуули хүсэндөө ороһон байха юм.
Харин Буряад орон тухай хэлэбэл, энэ хуулиин баталагдаһанай һүүлээр оруулагдаха олзын хэмжээн 15,3 сая түхэриг, али унаагай татабаряар бүхы хэмжээнэй 1, 6 хубинь болохо байна.
- Мүнөөдэрэй байдалаар 150 хүрэтэр мориной хүсэтэй хүнгэн унаатай 4809 хүн тоологдоно. Эдэ манай хүбүүд, сэрэгэй үйлэнүүдтэ хабаадагшад, тэдэниие бидэ дэмжэхэ ёһотойбди. Эндэ 2024 оной налогово хаһа тухай хэлсэгдэнэ, - гэжэ Арадай Хуралай спикер Владимир Павлов мэдээсэбэ.
Түсэл бүхы яаманууд болон албангуудтай тогтоогдоһон гуримаар зүбшэгдэнхэй, уласай хуули баталалгын зургаанаар нэгэн дуугаар дэмжэгдэнхэй.
