Буряадай засагай газар түлишын болон тоһоной сэн гуримшуулха талаар ямар хэмжээнүүдые абана гээшэб?
Хорооной зүблөөн дээрэ Буряадай ниигэмэй-эдэй засагай хүгжэлтын Стратеги бэелүүлхэ тухай элидхэлтэй танилсуулхадаа, Арадай Хуралай һунгамал Михаил Итыгилов Эдэй засагай сайд Вячеслав Хингеловтэ иимэ асуудал табиба.
- Дизельнэ түлишын 100 түхэригһөө дээшэ болоходонь, таряашад таряагаа хайшан гээд хуряаха гээшэб?Тиихэдэ түлишын болон тоһоной сэн дээшэлжэл байдаг, - гэжэ парламентын гэшүүн асууба.
Иимэ орёо асуудал Гүрэнэй барилгын хорооной түрүүлэгшэ Пётр Мордовской дэмжэжэ, «Роснефть» болон бусад түлишэ, тоһоной хангамжын эмхинүүдтэй концессионно хэлсээнүүдэй хүсэн тухай нэмэлтэ асууба.
