Уласай Арадай Хуралай Түрүүлэгшэ Владимир Павловай хүтэлбэри доро үнгэргэгдэһэн хэмжээ ябуулгада депутадууд хабаадажа, волонтёрнуудые һайн дуранай үдэрөөр амаршалаа.
Анхаарал “Сила Добра 03” гэһэн ниитын эмхиин волонтёрнуудта хандуулагдаа. Тэдэнэр 2022 онһоо сэрэгэй хэрэгсэлнүүдые оёжо, маскировкын торнуудые нэхэжэ, албанай гэшүүдтэ түлбэригүйгөөр гуманитарна туһаламжа суглуулна. Хэдэн ээлжээндэ ажалладаг түбэй мастерскойнуудта үдэр бүри 300-гаад хүн ажаллана.
Депутадууд өөһэдын элидхэлнүүдтэ сэрэгэй тусхай операциин үедэ волонтёрнуудай сэгнэшэгүй ехэ ажал тухай хэлээ. СВО-до хабаадагшад болон тэдэнэй гэр бүлэнүүдтэ республика дотор мүнөө үедэ дэмжэлгын 53 программа бэелүүлэгдэжэ байна, Оюна Дымшеевагай хүтэлбэрилһэн «Сила добра 03» командын ажал манай хамгаалагшадые ганса хэрэгтэй хэрэгсэлнүүдээр бэшэ, харин олониитын тэдхэмжын баталамжа үгэнэ гэжэ тэдэ ойлгуулаа.
Суглаанай түгэсхэлдэ сэрэгэй частьнуудта мүнгэн тэдхэмжэ үзүүлдэг олзын хэрэг эрхилэлгын болон ниитын түлөөлэгшэдтэ «Аша габьяагай түлөө. Зүүн зүгэй сэрэгэй тойрогой 36-дахи арми» гэһэн медальнууд барюулагдаа.
Уласай Арадай Хуралай Баяр баясхалангай бэшэгүүд «Сила добра 03» түбэй үдэр бүриин ажалаараа үнэн сэхэ патриотизм, гражданска эб найрамдал жэшээ болгон харуулһан 17 волонтёрнуудта барюулагдаа
