Буряад Улас Арадай Хурал бүгэдэ бултыетнай шэнэ һуралсалай жэлэй эхилхэ үдэрөөр – сентябриин нэгээр амаршална!
Сентябриин 1-эн – баяр ёһололой хүхюүтэй, хүлгөөтэ үдэр. Энэ үдэр түрүүшынхиеэ һургуулида орожо байһан үхибүүд, тэдэнэрэй гэртэхин бүришье һанаа үнөөн болоно. Юундэб гэхэдэ, һурагшадта энэ үдэрһөө эхилээд, эрдэмэй харгы нээгдэнэ, огто ондоо журамай байдал эхилнэ ха юм. Лицей, техникум, училищида, дээдэ һургуулида орожо байһан залуу үетэндэ, эдэ хүбүүд басагадта баһал ехэ шухала саг эхилнэ.
Мүнөө үедэ эрдэм, һургуули хаанашье яба, хаанашье бай, тон хэрэгтэй, шухала байна. Һурагшадай бэлиг шадалаа харуулха, болбосоруулха тала хараха, арга мүрын олохо хэрэг гүрэнэй уялга болоно.
Буряад Уласай Арадай Хуралай урдаа хараха ажал – эрдэмэй шанар сэнтэй, дээгүүр байхын түлөө ябуулга. Манай ургажа байһан залуу оюутаниие Эхэ орондоо дуратайгаар, бүхы уялгануудаа мэдэжэ ябахаар хүмүүжэлхэ, ерэхэ сагай гүрэнэй байдал шанга, хүсэтэй гарнуудта орохын түлөө эрмэлзэлхэ болонобди.
Һүүлшын жэлнүүдтэ манай нютагуудаар шэнэ һургуулинууд баригдана, шэнэ бараа, зэбсэгээр хамжагдана, инновационно технологи оруулагдана. Энэ ехэ һайн байна. Тэрээнһээ гадуур, шэнэ эрдэмэй шанартай программанууд үзэгдэнэ, залуу багшанарта туһалха арга мүр ологдоно, багшанарай ажалай хүндэтэй талыень харуулагдаха хэрэг ябадал бүтээгдэнэ. Саашадаа иимэ ажал ябуулагдажал байха.
Шэнэ hуралсалай жэл урматай hайнаар угтая! Хүүгэдэймнэй hуралсал ехэ һонин, һанаандань таарама байгэлдаа!
Шэнэ һуралсалай жэлээр!
