Хүндэтэ нютагайхид!
Сентябриин 3-да – манай Росси гүрэндэ милитарис Япониие илаhанай баяр еhололой тэмдэгтэ үдэр. Энэ үдэртэ 1939-1945 онуудай Хоердохи бүхы дэлхэйн дайнай дүүрэhэниие тэмдэглэнэбди.
78 жэлэй саана СССР-эй Улаан сэрэг Япониин Квантунска сэрэгые диилэжэ, зүүн-хойто Хитадай, Хойто Корейн, Урда Сахалинай, Курильскэ ольторогуудай газарнуудта дайсанай сэрэгүүдые үгы хэhэн байна. Иигээд шуhата дайн дүүрэhэн.
Илалтада зорюулhан медаляар 1,8 миллион Улаан сэрэгэй сэрэгшэд шагнагдаhан юм. Дайнда ами наhаяа үгэhэн, бэеэ гамнангуй ябаhан манай сэрэгшэдтэ доро дохижо, иимэ габьяа мүнхэрhэн, мартагдаха угы гэжэ тобшолнобди.
Энэ сагта, тусхай дайшалхы операциин боложо байха үедэ Улаан сэрэгэй габьяата ябадал манай дайлалдажа байhан сэрэгшэдтэ ехэ жэшээ болоно. Манай ахатанай шанга ябадал, тэдэнэрэй хэhэн габьяата хэрэг сэдьхэлсоомнай ото hанагдаха, хэзээдэшье мартагдахагүй.
Росси Эхэ ороноймной, Буряадаймнай байдал саашаа бэри hайжарха, манай гүрэнэй бүхы яhатан эбтэй байха гэжэ мэдээжэ.
Бултанда мэндэ амар, аажам тэнюүн hуухыетнай хүсэнэбди!
