«Буряад Уласай Арадай Хуралай Кубок» гэһэн самбо барилдаагаар табадахи турнир мүнөөдэр «Патриот» гэһэн тулалдаануудай түбтэ «Самбо һургуули руу» гэһэн бүхэроссиин түсэлэй шугамаар үнгэргэгдэбэ. Хэмжээнэй эхиндэ Эсэгэ Ороноо хамгаалгын дайнай үедэ баатарай үхэлөөр унаһан сэрэгшэдтэ зорюулагдаһан зүжэгдэмэл үйлэ Сэлэнгын аймагай тамиршад харуулба.
Эдир тамиршадые ёһолон амаршалхаяа Арадай Хуралай арбан һунгамалнууд, тэдэнэй тоодо һунгамал байһан Матвей Бадановтай суг хүрэжэ ерээ. Мүрысөөнэй хүндэтэ айлшан хадаа самбо барилдаагаар тамирай мастер, 11-дэхи десантна-добтолгын бригадын гварди капитан, сэрэгэй тусгаар үйлэнүүдтэ хабаадагша Виталий Петрович Карабашев, тэрэ хадаа эрэлхэг ябадалай түлөө гэһэн хоёр орденоор, хэрээлэгдэн ниилэгдэһэн һэлмэнүүдтэй дүрбэдэхи шатын «Эсэгэ Ороной үмэнэдэ габьяагай түлөө дүрбэдэхи шатын» орденоор шагнагдаһан байна.
Оросой Холбоотой Уласай гимн зэдэлһэнээ удаа Арадай Хуралай Түрүүлэгшэ Владимир Павлов СССР гүрэнэй үедэ һанамжалан байгуулагдаһан энэ тамирай түхэлэй онсо удхатайень тэмдэглээ.
- Самбо түхэлөөр бэеэ һорихо тамиршадай тоо жэл бүри Буряад орондо олон боложол байна. Самбо хадаа эрэлхэг зориг, хүсэ эрмэлзэл хүмүүжүүлхэ болон бэеын тамир болон абари зан бэхижүүлгын хажуугаар, бүхы эхэ орондоо үнэншэ байлгын эгээл эрхим заншалнуудые шэнгүүлһэн үндэһэтэдэй тамирай түхэл гээшэ. 2002 ондо улас дотор эхин түрүүн самбын федераци Валерий Дмитриев байгуулһан юм. Мүнөө тус федерациин ажал Арадай Хуралай һунгамал Бадмадоржо Жигжитов ябуулна. Тус турнир шэлэлгын, илагша үшөө дээдын хэмжээнэй мүрсыөөнүүдтөө уласаа түлөөлхэ эрхэдэ хүртэхэ бшуу, тиимэһээ бүгэдэндэ амжалта болон аза талааниие хүсэе,- гээд Владимир Павлов тамиршадые амаршалба.
Тэрэнэй мэдээсэһээр, мүнөөдэрэй турнирта Буряадай 14 аймагуудһаа 149 тамиршад хабаадана. Уласнай тамирай энэ түхэлөөр эрхим туйлалтануудаараа омохоргохо аргатай бшуу. Буряад орон самбо барилдаагаар габьяата 6 абаргануудые, Европын 7 абаргануудые, Азиин 4 абаргануудые, тамирай габьяата нэгэ мастерые, уласхоорондын шатын тамирай 4 мастернуудые болон 50 гаран тамирай мастернуудые хүмүүжүүлһэн байха юм.
