Мүнөөдэр Буряад Уласай Арадай Хуралай депутадууд болон Владивосток хотодохи Солонгос Арадай Арадшалһан Уласай Генеральна консульствын Хабаровскын офисые даагша, КНДР-эй Генеральна консулын орлогшо Чо Хак-Ён хоёрой хоорондо ажалай уулзалга үнгэргэгдэбэ. Хойто Солонгосой делегациин албан ёһоной айлшалгын үедэ хоёр гүрэнэй харилсаан бэхижүүлхэ, хүгжөөхэ тухай хэлсэгдэһэн байна.
Хүндэтэ айлшадые угтан абахадаа, Буряад Уласай Арадай Хуралай Түрүүлэгшын орлогшо Баир Гармаев хоёр гүрэнэй арадуудай һалбаржа, һайн һайхан байдалда хубитаяа оруулдаг Ород-Солонгос хани барисаанай, хамта ажаллалгын түүхэтэ тогтоһон заншал тухай дурсаба.
Уулзалгын үедэ тэрэ Буряадай парламентын һунгамалнуудай зүгһөө Ородой сэрэгүүдэй дэмжэлгэдэ онсо һайшаал, баярые хүргэбэ.
«Ород гүрэн болон Солонгос Арадай Арадшалһан Улас удаан саг соо эбтэй эетэй харилсаатай, элдэб һалбаринуудта эдэбхитэйгээр хүгжэжэ байна: улас түрэ, эдэй засагһаа эхилээд, эрдэм ухаан, болбосорол, соёл, хамгаалгын аюулгүй байдалай асуудалнууд хүрэтэр», - гэжэ тэрэ тэмдэглэбэ. Эгээл тиимэһээ Буряад Уласай Арадай Хурал КНДР-тэй нүхэсэлыемнай үнэн зүрхэнһөө сэгнэнэ. Эгээл 2011 ондо Улаан-Үдэдэ нүхэр Ким Чен Ир Ородой Холбоото Уласай Юрэнхылэгшэ Дмитрий Медведевтэй уулзаһан юм. Энэ уулзалгын һүүлээр 2012 оной сентябрь һарада Улаан-Үдэһөө албан ёһоной түлөөлэгшэд Хэджу ошожо, Улаан-Үдэ ба Хэджу хотонуудай хоорондо аха дүү хотын харилсаа байгуулха тухай хэлсээ баталагдаа. Илангаяа КНДР-эй аха дүүнэрнай гүрэнэймнай хилэ хамгаалха хэрэгтэ маанадые дэмжэнэ гэжэ тэмдэглэхэ байнаб. Хойто Солонгосой сэрэгэй алба хаагшад Курск можодо Украинын Зэбсэгтэ хүсэнэй бүлэгые диилэхэ хэрэгтэ ехэхэн туһаламжа үзүүлһэн байна. Ородой сэрэгшэдтэй мүр сараа баряад, тоонто нютагаа өөһэдынгөө мэтэ хамгаалһан солонгос сэрэгшэдэй баатаршалга, үндэр хэмжээнэй тусхай бэлэдхэл, бэеэ зорюулһандань хүндэлэл үзүүлнэбди. Түүхэ болон хамтын үнэтэ зүйлнүүдээр байгуулагдаһан энэ нэгэдэл таһаршагүй», - гэжэ Арадай Хуралай Түрүүлэгшын орлогшо тэмдэглэбэ.
Мүн айлшадые Арадай Хуралай Можо хоорондын харилсаанай талаар хорооной түрүүлэгшэ Виталий Лыгденов болон тэрэнэй орлогшо Баир Цыренов угтажа, соёлой, тамирай, аяншалгын һалбаринуудта нягта харилсажа байхые онсолон тэмдэглэбэ.
Владивосток хотодохи КНДР-эй Генеральна консульствын Хабаровскын офисэй консул Зо Нам Зин болон Ородой Холбоото Уласай Гадаада хэрэгүүдэй яаманай Улаан-Үдэ хотодохи түлөөлэгшэ Александра Пономарева гэгшэдтэй хамта 2024 ондо Ородой Холбоото Уласай Юрэнхылэгшэ Владимир Путин болон Арадшалһан Солонгос Уласай Ударидагша Ким Чжун. Ород гүрэн болон Бүгэдэ Найрамдаха Арадшалһан Солонгос Уласай хоорондохи Стратегическа Түншэлгын Хэлсээндэ гараа табиһан байна. Энэ шата дээдэ хэмжээнэй харилсаануудые эршэдүүлжэ, томо хэмжээнэй хамтын түсэлнүүдые бэелүүлжэ эхилээ.Сэрэгэй-техническэ, хуули сахидаг, эдэй засагай, хүн түрэлтэнэй һалбаринуудта нягта холбоо үргэлжэлһөөр.
Суглаанай хабаадагшад хамтын ажаллалгын 80 гаран жэлэй түүхэ тэмдэглэбэ, энэнь мүнөө шанарай талаар шэнэ стратегическа хэмжээндэ хүрэжэ, можо хоорондын холбоонуудые, эршэм хүсэн, хүдөө ажахы, соёлые хамарна.
