Албан татабариин һалбарида хүнгэлэгдэмэл болон зохёогшын эрхэ гэршэлһэн дансатай хуулиин түлэб Буряадай Хуули гаргадаг засагай зүблөөн дээрэ харагдажа байна.
Энэ данса ноябриин сесси дээрэ зүбшэгдэхөөр Арадай Хуралда ороһон байна. Энэ үүсхэл Буряад Уласай Толгойлогшо Алексей Цыденов дурадхаа.
“Албан татабариин зарим асуудалнуудай Оросой Холбооной можо нютагуудай мэдэлдэ үгтэһэн хуулиин үндэһөөр Буряад Уласта албан татабариие гуримшуулха зарим асуудалнууд тухай” Буряад Уласай хуулиһаа хүнгэлэгдэмэл болон зохёогшын эрхэ гэршэлһэн дансатай гуримшуулганууд амяараа хуули болгогдожо гарана, тиихэдэ 8.3 болон 8.5 зүйлнүүд хүсэнһөө буугаа гэжэ тоологдоно.
Арадай Хуралай Бюджедэй, татабариин ба мүнгэн һангай талаар хорооной зүблөөн дээрэ “Буряад Уласта албан татабариин хүнгэлэгдэһэн болон зохёогшын эрхэ гэршэлһэн дансатай гуримууд тухай” хуулиин хүнгэлэгдэһэн түлэбые Буряадай Эдэй засагай сайд Екатерина Кочетова дурадхаа.
Тиихэдээ: “Энэ хадаа Буряад Уласай дэбисхэр дээрэ албан татабариин хүнгэлэгдэһэн гурим хэрэглэжэ түлэдэг зоной хэрэг хүнгэлэгдэжэ, мүнөө хүсэндөө байһан албан татабариин эли, ойлгосотой талые хангахын түлөө оруулагдаба” – гэжэ элидхэлшэ ойлгуулба.
Хуулиин шэнэ түлэб 9 нюур дээрэ багтажа ороо, гэбэшье тэрэнэй эдэй засагай талаар ажал ябуулгануудай баримтануудтай хүсэнэгүүд 60 нюур дээрэ харуулагдана.
Албан татабариин хүнгэлэгдэһэн гуримаар эрилтэнүүдэй бага болгогдоһон болон шэнэ хуулиин түлэбэй гол зүйлнүүдые тэмдэглэбэ. Гаргашын зэргэ бага олзодо албан татабариин нэрлэгдэһэн ушарта зуунай 5 хуби тодорхойлогдоно. Хэрбэеэ эмхи зургаануудай болон хубиин олзын хэрэг эрхилэгшэдэй олзодо албан татабариин болзор соо ажалай нэгэһээ доошо бэшэ һууриин байгуулагдаһан һаа, албан татабариин нэрлэгдэһэн ушарта – зуунай 1 хуби.
“Энэ хадаа ажалай харилсаа эли болгоһон, ажаллагшадые далдын гуримаар хүдэлхэ ушарые үсөөлһэн олзын хэрэг эрхилэлгын ажал ябуулгада шэглүүлһэнһээ ажалгүйшүүлэй гар даалгын түлбэринүүдтэ уласай бюджедэй гаргашануудай бага болголгодо шэглүүлэгдэнэ”, – гэжэ Екатерина Кочетова тэмдэглэбэ.
Энээн дээрэ нэмэжэ бага олзын хэрэг эрхилэлгые дэмжэлгые албан татабариин хүнгэлэгдэһэн гурим эмхи зургаануудта болон олзын хэрэгэ эрхилэлгэдэ үлээхэ дурадхал оруулагдана. Эдэй засагай сайд 5 тиимэ шэглэлнүүдые нэрлэбэ:
- ниитын эмхи зургаануудай тобьёгто “Оросой Холбоондо бага болон дунда олзын хэрэг эрхилэлгые хүгжөөхэ тухай” Федеральна хууляар оруулагдаһан ушарта;
- 700-һаа доошо хүн зонтой хүдөөгэй һуурин, тосхонуудта ажал ябуулдаг ушарта;
- Буряад Уласай дэбисхэр дээрэ түрүүшынхиеэ бүридхэлдэ абтаһан ушарта;
- 2020 оной апрелиин 1-һээ 2021 оной августын 1 болотор хугасаада ажал ябуулгаяа болюулаад, уласай дэбисхэр дээрэ дахинаа һэргээһэн ушарта;
- Оросой Холбооной дэбисхэр дээрэ ондоо можо нютагта һуурижаһан, тиихэдэ Буряад Уласай дэбисхэр дээрэ шэнээр бүридхэлдэ орохо гэһэн ушарта. Зохёогшын эрхэ гэршэлһэн дансын үндэһөөр тохогдохо албан татабари тухай хэлэхэдээ, хуулиин шэнэ түлэбтэ хүсэндөө байһан хэмжээнүүд үлөө гэжэ хэлэгдэнэ.
Бюджедэй, татабариин ба мүнгэн һангай талаар хорооной һунгамалнууд хуулиин шэнэ түлэбүүдые зүбшэхэдөө һайн сэгнэлтэ үгэбэ.
