Түбэй стадион дээрэ буряад үндэһэтэнэй гол нааданай баяр ёһололой нээлгэ болобо. Эмхидхэгшэдэй мэдээсэһээр, XVI Уласхоорондын “Алтаргана” нааданда Росси, Монгол, Хитад гүрэнүүдһээ 5 мянга шахуу хабаадагшад ерээ.
Москва, Санкт-Петербург, Сахалин, Магадан болон Калининград можонуудһаа, Красноярскын, Камчаткын, Хабаровскын болон Примориин хизаарнуудһаа, Татарстан Уласай, мүн Ямало-Ненецкэ автономито тойрогой буряад нютагуудай түлөөлэгшэд хабаадаһан парадна жагсаалаар энэ хэмжээ ябуулга эхилээ. Тиихэдэ Новосибирск, Норильск, Мирный, Нерюнгри хотонуудһаа делегацинууд энэ нааданда ерээ.
Арадай Хуралай Түрүүлэгшэ Владимир Павлов нааданда хабаадагшадые болон айлшадые буряад хэлэн дээрэ амаршалба. Буряад орон 2006 оной зун хани барисаанай, эб нэгэдэлэй, буряад арадай ёһо заншалнуудые сахиха һүлдэ болоһон «Алтарганын» эстафетэдэ анха түрүүшынхиеэ гараа һэн гээд тэрэ дурсаба.
- Буряад угсаатанай hүлдэ үргэһэн “Алтаргана” нааданда сугларhан арад зоноо, холо ойрын айлшадаа Арадай Хуралай хунгамалнуудай зөөй халуунаар амаршалжа, хүн бүhэндэ омогорхол, урма Зориг, баярай баясхалан хүсөөб!
Урда үдэрынь Арадай Хуралай Түрүүлэгшэ нэрэмжэтэ Театрай талмай дээрэ үнгэргэгдэһэн «Алтаргана-2026» гэһэн Уласхоорондын XVI Буряад үндэһэтэнэй нааданай зохёохы мүрысөөнүүдтэ жеребь таталгын баяр ёһололдо хабаадаба. Лхасарана Линховоина Улаан-Үдэ хотодо.
Баяр ёһололой хэмжээндэ республикын парламентын түрүүлэгшэ “Үльгэрэй аялга” гэһэн улигэршын болон одическа шүлэг гүйсэдхэгшэдэй мүрысөөндэ хабаадагшадай тоглолтын гурим тодорхойлһон санамсаргүй тоо генераторай товчин дээрэ дараба.
