Санкт-Петербург хотодо «Дацан Гүнзэчойнэй» Буддын шажанай дуганда, буряад соёл дэмжэлгын ба хүгжөөлгын «Ая-ганга» жасада хүрөө.
Дуганай шэрээтэ Жампа Донёд (Б.Бадмаев) болон жасын захирал Цырендари Самбуеватай уулзалгын үедэ буряад соёл, оюун сэдьхэлэй ёһо заншалнуудые сахиха тухай хэлсэбэ.
Тиихэдэ парламентын гэшүүн жасын ажал ябуулгын удха шанар, үүргэ тухай тэмдэглэбэ. Олониитын эмхи Санкт-Петербург хотодо ажаһуудаг залуушуулые хабаадуулжа, үндэһэ яһатанай болон шажан мүргэлнүүдэй хоорондын эб найрамдалые бэхижүүлхэ, мүн буряад арадай ёһо заншал, соёл сахиха хэрэгтэ хубитаяа оруулна гэжэ тэрэ тэмдэглэбэ.
Самбуева өөрынгөө эрьесэгээр Буряадай Толгойлогшо Алексей Цыденовтэ, Арадай Хуралай Түрүүлэгшэ болон һунгамалнуудта тус жасын ажал ябуулга дэмжэжэ, хэмжээ ябуулгануудые эмхидхэхэ хэрэгтэ горитойхон туһа хүргэжэ байһандань үнэн зүрхэнһөө баярые хүргэбэ.
